خرجت الممثلة السورية صباح الجزائري المعروفة بلقب "إم عصام" في مسلسل باب الحارة عن صمتها، وعلقت عبر حسابها على انستغرام، لأول مرة بعد سقوط الرئيس السوري بشار الأسد.
ونشرت صورة تظهر خريطة سوريا، وكتبت كلمات مؤثرة بعد الاحداث الّتي انتشرت من سجن صيدنايا وقصص المعتقلين.
وأرفقت الصورة بتعليق، حيث كتبت: "صار عمري ٦٩ سنة، وما تمنّيت لحظة بحياتي إلّا الخير والسلام لكلّ شخص من أهل بلدي، ولكلّ شبر من أرض سوريا.. قلبي موجوع من زمان.. موجوع على كلّ سوري انحرم من أهله وانجبر يترك وطنه، وعلى كل أمّ خسرت ولادها".
تابعت: "وبعد كل شي شفته وسمعته عن مدينة العذاب يلي تحت الأرض، حسيت كأنّي فقدت آخر خيط من إيماني بالإنسانية.. لكن اليوم، قلبي مليان يقين إنو سوريا وُلدت من جديد، وإنّها رح تقوم أقوى من قبل".
كما وجّهت رسالة الى الشعب السوري: "أولاد بلدي، إنتو أولادي، وهالكلمات من القلب إلكن: عيشوا عالمحبّة والتسامح، بيكفي عذاب وألم.. لا تأذوا بعض، ولا تحاسبوا بعض على الماضي.. هالبلد أمنا، واليوم بحاجتنا كلنا.. سوريا أمانة برقبتكن، وبحمايتكن، وهي بحمى الرحمن".